peparikan : DG
Kumarsana
Jani Sengkuni ibuk ngawangun
kabinēt anyar
liunan inguh paling kalahin sang prabu
Duryudana
madan kabinēt andel ngencanin
rekening layah matutuh
kadirasa ngalahin rasa keneh
jengat jengit nandruh raga
boya berag buka gerang ulian
tiwas ngalih cara anyar
utawi ngamokohang pragat nguluk
anak, mocolang anak liu
Kabinet Sengkuni ibuk ngalih-ngalihin
daya corah nulung dēwēk padidi
nyangut ngaririhin sang sanē
madan Sangut
kēwala uli pidan nganteg jani Sengkuni
ngancan berag, apabuin
kenehnē dogēn mokoh ban kendel ngarajah
keneh anak
lan layahnē macanggah telu
matutuk
macorah sang nyeled
Tidak ada komentar:
Posting Komentar