Di danunē enē ada keneh nambung
ngelayang
nyerit nyap-nyap mawirama
enu masē masa mamung lan.......
nyekeb sunaran anē ilid
singid di keneh
masē enu ada kecag di ati
memelung magelung sebet, magulung-gulungan
masē enu konē ada, buka keto kenehē
lan ngawangun pinangen angen
alep Sang Ayu nyujuh smara
ēngkēn kadēn, tusing kasautin wiadin makelo ngantosang
jalan jalan bek lawat kebebelan, buka pesaut luhē ane tuara ulung-ulung
ngecagang keneh
mirib sajan-sajan pegat di tengahang nyanyap makuēkan
lan magelebug smaranē, nēngēl dadi sungsang
ngelekang pengasian ngelekadang daya corah
Sang Ayu nyelegēk kuangan daya
ngelimbak ka lintang lintang
pangipian
masē pelung galangan bulan,
nguluh ipian raganē
sunaranē ngentas di duur yēhē,
belus baan smara
apa krana ningeh tuturan ia I
bulan
makalangan
kala angen
Bisa masē ulian piteket peteng ngaliwat
sinom apija munyin gamelan
pupuh semarajaya ngiket sutresna asih di ati wiadin.......?
tiang sing nawang, kēto kisi-kisi ia ngomong
nyeh madingeh yēh danunē
ilik demen ilik ngengkebang dedemenan
Ayu tusing dingeh kē ento, Ayu
magulungan kenehē sing kal tampi?
Lan tuun nyiduk yēh sambilang
mawirama
Ayu,wē Sang Ayu jegēg kal antiang
dini
di danunē enē
kadirasa ada angen ngelayang
Tidak ada komentar:
Posting Komentar