Lan sedek sang penganggon pucak teka ngaba tresnane
ngendih alase baan munyin suling pangawi angin
ane tuun uli duur pucak mangu
punyan kayune setata nyapatin sesapi ane matinggah sid carangne
kelepakne maboros angin, maboros kama akasa
sesapi ngalintas numanang satua lantang, dini angin ngesiur someh
ngae kenjel majalan joh, selegenti ngisis ulian pawiwahaan ambu
mai singgah kejeb ngawatekin kama
ane luhe tenun uli pawiwahaan singid
pertiwi, nyen kone ngelahang?
- Mai pragatang baan pawiwahaan sid gedong bulane
ane majait ban sunar lintang
magambahan sid natah lantang ngusudin tuuh nguda
lekad pianak pretiwi, nah luh jani raksa sid jinenge
mani wekas apang ngawaregin keneh
nyen dadi nganggon tresna
smara sing taen damang
Tidak ada komentar:
Posting Komentar