Paparikan : DG. Kumarsana
Seledet lan kisel ngawetuang tiang wirama
ngedil ngujarang bebai
wewangian sane ngelumurin sang pengawak
kuning langsat
ngelawanin kitip uyang makadi munyin musike : queen, deep purple
utawi mabanyolan ngakahin pajumu music dance
tusing!, kupinge enu tawah ningehang munyin gong
bruag-bruag nyalukin keneh lantang nyerit nujuhin gamelan
mrungusang bungan sandate buka ilegan sang bungan natah
alum dadi panglila cita lan ngae angob
ngulangunin limane
buka masanggul ane labuh sekabesik di natah wantilane
nganteg lebuh merajane agung
matembang bungan natah
dadi ngigelang bulan sakewala eda nyancang matane
baan igelan api ulian petekan matanai
ngigel, ngancan ngigel duh kuning langsat
nebekin tresna malawat semaya sunar saha asledetan : runtag bayun tiange
ajer manis buka ngusudin keneh
nyeledet nembangin wirama ane pacang likad baan lenga
duh, iluh maumah di gumi pangipian
gelayah-gelayah abet tiange;
nebarang miik-miikan sig galang semeng: mabo jatiraga magpag warsa mani wekas
katebenan nugtug uyang-nrugtug tangkahe, nganti keles kenehe
sekabesik
Tidak ada komentar:
Posting Komentar