Paparikan :DG Kumarsana
Tusing taen jani tepukin kupu-kupu makeber ngindang di duur uma
lebian uyut tur gumi tuh gaing uyut baan ibuk gati ngalih gae
ane tuara maboya-boya sugih medasin mua ulian jengah ngidih
jani be marupa kupu kupu nganggo make-up tebel sabilang wai luas ka beauty salon
ngogo pipis kal ngae jegeg
nedasin awak, marebonding lan mandi lulur
awakne miik buka bunga sandat lan makenyum manis nimpalin jalir ngegolang bangkiang
jid gede nyonyo gede nganggo bikini kema-mai shopping ka super-market
peteng-peteng makaca selem cara nak barat
lan misi mamunyi “cas-cus-cas cus!”
peh mara tawang lekad di bucun alas, tendasne durian nengel
sabilang peteng magpag tamiu di café ngenjuhin keneh
ngedum tresna asliaban ngelanturin panganggo bawak
raos bawak, macelana bawak sing nganggo baju kutang
Keneh bawak lan panganggone ngancan mawakang
kecag-kecog sengap cara lutung sengitan, kone minehin wirama jazz lan rock and roll
nanging tolih ja tundune masetempel tattoo ngengkebang bulenan pang kadenange sing katinggalan jaman.
ngindang kupu kupu mapi mapi tresna ngadokang peteng nuju peteng
kenehe usak magpag naenan makita boya-boya lan : nengel
petenge nyeledetin dedet : ngancan nimpalin jalir
Tidak ada komentar:
Posting Komentar