Paparikan : DG. Kumarsana
Mirib langite jail
tandruh jejeh ngancan paling
Langit, satonden ngerajah purnama
sesapi jeg sebet
ngeling magulungan yehmata
ngewatesin ngindang kampidne
sabilang sasih ngitungang, anteg kenjel
sungkawa
ngentuhin ipian
ngajahin nuju : (mararean dumun ,ru.......!)
panyuud
Langit, masibakan makuak masibeh
nyibak ngelantangang
tusing megatang warna
kaden ja sesapine mabekel tresna
matinggah sig carang kayune wayah
tanggun angine sig tangkahe inguh
ngantiang jenek; ia masaut
Tidak ada komentar:
Posting Komentar