PAKSI NGEDIL

Peparikan :  DG Kumarsana

 

Ngedil makeber tegeh mentangin langit lan tegehan pasih

ngelēpak kampidnē nyujuh langit

receh anginē ngaukin ujan

nekepin sunia di galang kangin

tegeh ngindang di duur gunung

nambung makeber nyerit mēsbēs keneh

ngangsur ungkah-angkih

ngurung lawatnē sang paksi kateteh masunar matanai

uli useran yēh pasihē nganti nyat

uluh matanai lan sang paksi metinggah

nguluh warsa

maksa keneh puyung mamung guminē

ujug-ujug ngetēlang keneh

nombaang abetnē tastas telah aas sekabesik

maboya-boya nantangin gumi mentangin selat pasih

buka kampid matatu gelah paksi ngedil

mangenan

makeber

buung