Paparikan : DG. Kumarsana
Matane sinah ngengkebang sebet bengul
yehmatane , buka blabaran tukad unda lan luh jegeg kebebelan mabo cuka
pengah.......!!!!!
kanti angine teka tusing nampi gatra, runtag buka natahe kabrebeh
luh bajang ngraja, matimpuh di lawat bale bengong: malawat Srikandi
ngoyong busan busan ngegol buka nak buduh
buung ngewatesin kenehe ilang sig pungkuran
abetne ane jejeh
lan milu ngengkebang keneh inguh uyang-paling
natakin semeng ulian keciwa sig laklakan atine
sunia
Tusingke nekedang ngrimikang enduk kenehe
mimih.....dewaratu agung! mabuaka angen karindu-rindu
Nyesed keneh linyoh tekening samaya
sig muncuk langit langit ati
ane ngedil linjok
:angen
pagelanyat
malaib sungsang mamucu ilik bayune
Tidak ada komentar:
Posting Komentar