Paparikan : DG. Kumarsana
- nuju pempatan umahne
Sesapi ngentas langit lautang nebek bulan
kaping lima
sambrag ambune maboros angin
nawah sangsaya tulen
bes joh magulung-gulungan ombak pasihe gadang
sedek dina ngenah, ngelah keneh masemaya pangipian ngambul
buin mani semayane malinder
nanging lamur
puyung kenehe belah nandruhin
nyancangin kala
gejeran sunaran matanai
ngalintas i raga di pempatan, ngalintas buin atiban
ngorta sid langit tan maguwet lantang patra
sarwi ngenceg pidabdab : lacur mimih lacur!
sesapi ngaliwat pasih, matane boya nebekin
galang candra galang surya galang kangin
mangan lan lenga endag
sanghyang surya tepu maboros : kampidne ngancan
keles
nanging dalem kenehe nguber
newek,
ngepil ka duur tegeh ombake ngusudin
katampes di awakne baan sumbung
ulian tepesan sunaran pelangine
ngelangi sig duur yeh pasihe gede
sesapi ngancan ngaliwat
momod ngosek ia
limang tiban nandang gatra
ngelinyuk nyeselin raga
Tidak ada komentar:
Posting Komentar