Paparikan : DG. Kumarsana
Ombak sig tengahin pasih taen masamaya
dugas nrugtug kenehe kalawan nrugtug tangkahe
matan luhe ngancan maekang
ngeberang mamung, ngampehang keneh
nyen magending sig tanggun rurunge
nembangin sinom bokne kuning
miik lan sinah jegeg, kewala raosne sing prasida baan nimpalin
adengan malu ngentas yen sajan anak turis
lan kalarahune lenga ngamah bulan
nyilem sig gedonge
mirib dini ia ngutang anak cerik
dadi luhe buka jani mapanganggo ane sada soleh
sukat matimpal jak turis
bukake tepukin anake ento magoba memedi
masi ngenah bagus genjing, luh ngidem ulian tresna nyaluk dollar
mimih, nganti luh engkok engkok jalir malajah malalung
sid gumi padidi
ombak sid tengahan pasih masamaya
nanging luh lenga ngelah pianak jumah
ulian kasirep baan dollar
lan masamaya ngajakin malali ka gumi Eropa
peh, kendel gati!
Tidak ada komentar:
Posting Komentar