Peparikan : DG. Kumarsana
Joh pajalane madabdab
mamung ngedil ngetor bayune tusing masibeh celed
sekabesik mekadadua tuah luh-muani nyandang pisan turise nyoyot bir lan nyepahin ganja
sig gedeburan ombak pasihe Senggigi : kedet-kedet
kedek maenderan tekening tetagone bajang sasak
muan selat pasih, selat ombak, selat gumi
enu tegesin matanai ngenjuhin dollar
buka masan ane ilang ngejohin gumine
masaput kapitalis, borjuis lan dakin pariwisatane
lagas ia, buka lagasne anak malalung
ngalalungin tatakrama, ngelemekin sor singgih
angkihane mabo alkohol matane dalem
ngancan jemet lan ngrepe ngitungang dollar
pragat ngigelang wirama selat pasih mabuaka dance barat, bucun kotane
ngawit nyimpen gendingan tawah, lan soleh-soleh kaucap
dance nambung patisagrep : “rock and roll ”
apetengan, matan purnamane sengat
langite sinah gawah masaput lintang
sambrag nebekin pasihe mancingin lawatne
sakadi emas
: jag lenga tongose maenjekan
Tidak ada komentar:
Posting Komentar