peparikan : DG.Kumarsana
Mirib kenehē ngelebihin keneh maboya, buka ngenehang sesed ulian sebet
sawai-wai ngenjek lan makedēkan ngawada sebet di keneh
masē enu masemaya ngedum keneh: kenehē melawat dadua.
encēn bakat gelahang?
jalane ngancan sambrag ulian dekil kalindes ban-ban motor
kema-mai nugtug kenehē, ngengkebang corah, merkak
orahang ja matanainē tatas ngencanin keneh pelih, nyagaang sangsaya
lan mulisah tan patepi
Gelah nyēn ngartiang yēhmata: muanē tan kapineh?
tuah yēhmata
tongos yēhe ngured paningalan nrēstēs ka gumi
tuah yēhmata maboya ngetēlang sebet nebekin keneh.
yēhmata tuh boya ngenehang
jelema puru jelema makejang
apa artin sunia?
sunia tandruh matinggah boya ja ulian peteng kenehē dapdap nyapatin
boya ja tuh gaing
Tidak ada komentar:
Posting Komentar